Ako 70 : Ke tau muimui kia Sisu ko hotau Takilelei

PALO. 29:3; HEPELU 6:18-20; SA. 110:4; KOLO. 1:5; HEP. 12:2

KO E TAKILELE ‘I LOTO TATAU

‘Oku malie ‘aupito ‘a e fai fakatata ‘o e me’a ‘oku fai ‘e Sisu Kalaisi mo’o kitautolu ‘i loto tatau ‘oku talanoa ‘a e veesi 18 ki he “hola hufanga”. Ko e fakatata ‘o e ki’i vaka ‘oku ne ‘ave ‘a e taula ‘o e vaka lahi ki loto taulanga. Ko e potu ‘oku u mo malohi ke tau ma’unga ki ai ‘a e vaka lahi. Na’e fa’a ui ‘e Kalaisi ‘i he ngaahi kuonga ange ko e ‘a e fanga ki’i vaka fokotu’u iiki ‘oku fetuku ‘a e uta ‘a e vaka lahi (tau pe mei he loto) ki loto taulanga ko e “takilele”. Ko e vaka mu’omu’a.Pea ko e ‘imisi ia ‘oku tau ma’u ‘ia Sisu Kalaisi kuo Ne hoko ko hotau “Takilele”. Pea kuo Ne mu’omu’a ki loto tatau (Taloni ‘o e Kelesi). ‘A e ‘Afio’anga ‘o e ‘Otua', ko e potu ia ‘oku tu’u taula ki ai ‘a ‘etau ‘amanaki ki he ‘Otua' ‘ia Sisu Kalaisi ‘i loto tatau. 

1.      Ko e puke ki he ‘AMANAKI ‘oku tala humaki mai. Ko e taha ‘eni ha lea maheni ‘o e ‘Ipiseli ni ’a e “ ‘amanaki” pe “fakatu’amelie”. ‘Oku ‘i ai ‘a e ‘amanaki mo’ui ‘a e Kalisitiane ‘a ia ‘oku tu’u hono taula ki loto tatau. Ko e ‘amanaki tu’u ‘i he ‘Otua. ‘Oku ‘ikai tu’u he’etau lotu pe ko ‘etau ngaue ka ‘oku tu’u ‘i he ‘Otua' ‘a ia ‘e ‘ikai ke ikunoa.

2.      Ko e ‘Amanaki ko ia ko e TAULA kuo li ki loto tatau. ‘Oku hanga ‘e he Taula ‘o pukepuke ‘a e vaka'. Ko ia ko e taula ko ia ‘i loto – tatau ko hotau ‘amanaki’anga ‘oku mo’ui mo fakalotolahi.

3.      Ko Sisu Kalaisi ko e TAKILELE. Ko e Taula’eiki Lahi Taki ia ‘o ‘etau tui. Kuo Ne Mu’omu’a ki loto tatau. Pea ‘oku ta muimui atu ko Ia ‘a e fakama’unga ‘o e Pue ‘oku tau fai'. (Hep. 12:2). Ko Ia ‘oku Ne taki kitautolu ki he ‘Otua'. Ko Ia hotau Fakataukei'.

Tefito’i Fakakaukau: Ke tau muimui kia Sisu ko hotau Takilelei