Ako 67: 'OKU 'IKAI NGAUE'I HOTAU FAKAMO'UI

Saame 16:9-11; 'Ekisoto 15:1-11; I Pita 1:3-9; Sione 20:19-29

HA 'A SISU KIATE KINAUTOLU 'I HE LOKI 'I 'OLUNGA

'I he lolotonga 'a e 'uluaki 'aho 'o e uike kuo pa mai 'a e talanoa 'o e Toetu'u 'a Sisu Kalaisi.  Kae tala'a pe 'a e ni'ihi ia 'o e kau ako.  Pea nau nofo fakataha pe 'o umiuminoa 'i he loto mamahi mo e tailiili.  Ka 'i he efiafi, lolotonga 'a e tatapuni fale kuo hoko mai 'a Sisu Kalaisi 'o tu'u 'i honau lotolotonga 'o Ne folofola mai:  

"Si'oto'ofa atu"!  Na'e 'ohovale 'a e kau ako pea ne nau fu'u fiefia.  Neongo na'e 'ikai ke 'i ai 'a Tomasi foki 'i he 'uluaki efiafi, ka na'a ne 'i ai 'i he fakataha hoko pea ne fakatomape'e 'o lea:  "ko hoku 'eiki mo hoku 'Otua".  Kaunga kalisitiane 'oku fakafiefia mo'oni 'a e toe ha mai 'a e 'Eiki ki He'ene ki'ikau ako loto si'i mo vaivai, pea tailiili.  Na'a Ne fakamo'oni ai pe ki He'ene palomesi te Ne 'iate kinautolu ai pe 'o a'u ki he ngata'anga 'o e mamani ko 'eni.  'Io, na'e mahino pe 'a e toe langa 'o 'enau mo'ui - 'a 'enau 'amanaki, tui mo 'enau 'ofa ki he 'Eiki ko Sisu Kalaisi.  Fakatauange ke toe langa pehe 'a 'etau tui 'atautolu 'i he fa'ahita'u Toetu'u ko 'eni. Manatu'i 'OKU 'IKAI NGAUE'I HOTAU FAKAMO'UI  - 'Ekisoto 2:8,9;      Taitusi 3:5